პრემიერმინისტრმა, გიორგი კვირიკაშვილმა ქართული ოცნების შიდა ქართლის მაჟორიტარობის კანდიდატები წარადგინა, რომელთა შორის არიან: იოსებ მაკრახიძე, თენგიზ ხუბულური (გორი), ვალერი გელაშვილი (ხაშური), გიორგი თოთლაძე (ქარელი) და ირაკლი მეზურნიშვილი (კასპი):

"მეგობრებო, 2012 წელს ურთულეს ვითარებაში, როდესაც საქართველოს ბედი წყდებოდა, ქართველმა ხალხმა ბიძინა ივანიშვილთან ერთად, მოიპოვა მნიშვნელოვანი გამარჯვება და ეს გამარჯვება მაშინ ნამდვილი გამარჯვების ტოლფასი იყო ჩვენი ქვეყნის უკეთესი მომავლისთვის".

პრემიერმა განაცხადა, რომ ქართულ ოცნებას 2017 წლისთვის დაგეგმილი აქვს მთლიანად გადაჭრას შიდა ქართლის დევნილთა საცხოვრებლით უზრუნველყოფის პრობლემა:

"ჩვენი ხელისუფლება ყველაფერს აკეთებს, რომ მათ ცხოვრების უკეთესი პირობები შევუქმნათ. ჩვენ ძალიან ბევრ ოჯახს უკვე გადავეცით ბინა და დღეს ეს ხალხი საკუთარ ჭერქვეშ ცხოვრობს".