იაპონიაში წყალდიდობის შედეგად სულ მცირე 100 ადამიანი გარდაიცვალა, ხოლო 50-ზე მეტი უგზო-უკვლოდ დაიკარგა. BBC-ის ინფორმაციით, წყლის დონე იმდენად სწრაფად მატულობდა, რომ მოსახლეობა სახლიდან გამოსვლას ვერ ასწრებდა.

წყალდიდობის გამო დაზარალდა ასობით სახლი, მილიონზე მეტი ადამიანი კი ევაკუირებულია. გარდა ამისა, ევაკუირებiს შესახებ რეკომენდაცია სამ მილიონზე მეტმა ადამიანმა მიიღო.

რამდენიმე დღის განმავლობაში იაპონიის დასავლეთ ნაწილში გადაუღებლად წვიმდა, რამაც ღვარცოფი გამოიწვია. მეტეოროლოგების განცხადებით, ასეთი ძლიერი წვიმა იაპონიაში დიდი ხანია არ ყოფილა. ამ ეტაპზე წვიმა რამდენიმე ადგილას შეჩერებულია და წყლის დონე ნელ-ნელა იკლებს.

ფოტო: AP

ფოტო: AFP