სამხრეთ ტაილანდში, ფხუკეტის სანაპიროზე მომხდარი ძლიერი შტორმის შემდეგ მყვინთავები ჩაძირული ბორანის მთავარ ნაწილსა და 50-ზე მეტ დაკარგულ მგზავრს ეძებენ. ადგილობრივი პოლიციის ინფორმაციით, მაშველებმა 48 ადამიანი ნაპირზე უსაფრთხოდ გამოიყვანეს.

CNN-ის ცნობით, ბორანს, რომელზეც 105 მგზავრი იმყოფებოდა, შტორმის შედეგად წარმოქმნილი ხუთი მეტრის სიმაღლის ტალღა დაეჯახა და ჩაძირა. მგზავრებს შორის 93 ტურისტი, ერთი გიდი და ეკიპაჟის 11 წევრი იყო.

ჩინური მედიის ინფორმაციით, ჩინეთის ერთი მოქალაქე დაღუპულად, 53 კი დაკარგულად მიიჩნევა.