NDI-ს მიერ გამოკითხული მოსახლეობის ყველაზე მცირე, 6 პროცენტისთვისაა მნიშვნელოვანი, თუ რა პოზიცია ექნება პოლიტიკურ პარტიას განათლებასთან დაკავშირებით.

გამოკითხულთა უმრავლესობა - 41 პროცენტი აცხადებს, რომ ხმის მიცემისას ყველაზე მნიშვნელოვანი საკითხი მათთვის პარტიის ეკონომიკური პოლიტიკაა.

ამომრჩეველთა 14 პროცენტი მიიჩნევს მნიშვნელოვნად პარტიის პოზიციას ჯანდაცვასთან დაკავშირებით. გამოკითხულთა 11 პროცენტისთვის კი ყველაზე პრიორიტეტულია პარტიის პოლიტიკა ეროვნულ უსაფრთხოებაზე. რაც შეეხება პარტიის პოზიციას საგარეო საკითხებთან დაკავშირებით, ეს მხოლოდ 8 პროცენტისთვისაა მნიშვნელოვანი.

კითხვაზე "არ ვიცი" უპასუხა გამოკითხულთა 8 პროცენტმა, ხოლო 1 პროცენტმა არ იცის, რომელი საკითხზეა მისთვის მნიშვნელოვანი პარტიის პოზიცია.

NDI-ის კვლევის საველე სამუშაოები CRRC- საქართველომ ჩაატარა 2016 წლის 8 ივნისიდან 6 ივლისის პერიოდში. სულ მომზადდა 4 113 დასრულებული ინტერვიუ. განხორციელდა წარმომადგენლობითი შერჩევა ქვეყნის მასშტაბით, ამასთან, დამატებითი წარმომადგენლობითი შერჩევა თბილისში, ქალაქისა და სოფლის ტიპის დასახლებებში, ეროვნული უმცირესობებით მჭიდროდ დასახლებულ რეგიონებში. კვლევის საშუალო ცდომილების ზღვარი არის +/- 2,1%