დღეს საქართველოს ნაკრებმა 2019 წლის მსოფლიო ჩემპიონატის შესარჩევ ეტაპზე ავსტრიის წინააღმდეგ ითამაშა და ანგარიშით 98:73 გაიმარჯვა.

ქართველებმა ჯგუფში მესამე ადგილი დაიკავეს.

შემდეგ ეტაპზე ოთხი გუნდიდან საუკეთესო სამეული გადის, რაც იმას ნიშნავს, რომ ზუროსის შეგირდები შემდეგ ეტაპზეც ითამაშებენ.

ჯგუფში მეორე ადგილზე სერბეთის ეროვნული ნაკრებია, პირველზე კი გერმანია. ეს გუნდები ერთმანეთის წინააღმდეგ ახლა თამაშობენ.

მსოფლიო ჩემპიონატის მეორე შესარჩევ ეტაპზე გუნდებს ის ქულები გადაჰყვებათ, რაც პირველში ჰქონდათ მოპოვებული. ქართველებს კი ავსტრიასთან მოგებით ჯამში 8 ქულა დაუგროვდათ.