პარტია ევროპული საქართველოსა და ერთიანი ნაციონალური მოძრაობის დეპუტატები აცხადებენ, რომ ისინი არ დაუჭერენ მხარს მთავრობის გარდამავალ შემადგენლობას.

ერთიანი ნაციონალური მოძრაობის წევრი, რომან გოცირიძე ამბობს, რომ ამით მთავრობა არ იცვლება:

"ხალხის დაკვეთა იყო პირველ რიგში ძალოვანი სტრუქტურებისა და იუსტიციის მინისტრის შეცვლა, ამას არ ასრულებს მთავრობა, ახალი ხალხი მოდის და ეს ახალი ხალხი მხოლოდ ერთი ნიშნით ინიშნება ეს არის, პირადი ერთგულება ივანიშვილისადმი".

ევროპული საქართველოს დეპუტატი ზურაბ ჭიაბერაშვილი ასევე აცხადებს, რომ მათი პარტია მხარს არ დაუჭერს მთავრობას ვინაიდან, მისივე თქმით, ახალი მთავრობის შემადგენლობა ისევ ივანიშვილის ხელქვეითებით დაკომპლექტდება.

საქართველოს პარლამენტში მთავრობისთვის ნდობის გამოცხადების პროცედურა დაიწყო. ხვალ გაიმართება პარლამენტის რიგგარეშე სხდომა, რომელზეც კენჭი ეყრება მთავრობისთვის ნდობის გამოცხადების საკითხს.