თავდაცვის მინისტრმა თინა ხიდაშელმა რუსთავი 2-ზე არჩევანის ეთერში განაცხადა, რომ ფარული კადრების საქმე არ არის რთულად გამოსაძიებელი დანაშაული, თუ არ არსებობს სუბიექტური მიზეზი, რომლის გამოც ვერ პროკურატურა ვერ დაასახელებს იმ ადამიანებს, რომლებიც ამ ყველაფერის უკან დგანან.

მინისტრი იმ მიზეზებზე არ საუბრობს, თუ რატომ შეიძლება, არ არსებობდეს ნება იმისა, რომ აღნიშნული ფაქტი არ იქნას გამოძიებული. ხიდაშელი აცხადებს, რომ ის გამოძიების დასრულებას ელოდება:

"საპროცესო შეთანხმება თუ გაფორმდება ამ ადამიანებთან, ასეთ შემთხვევაში ველოდები პასუხს მიზეზის შესახებ, რა გახდა ისეთი ცნობილი პროკურატურისთვის, რის გამოც გადაწყვიტა, რომ ეს ზარ-ზეიმით დაკავებული ადამიანები გამოეშვა საპატიმროებიდან".

მისი თქმით, ვიღაცას ჰქონდა იმის მცდელობა, რომ დიდი მასობრივი ტერორი მოეწყო ადამიანებისთვის. მინისტრმა განაცხადა, რომ ამგვარ უმარტივეს დანაშაულებს პასუხები უნდა გაეცეს.