ერთ-ერთი ყველაზე ხანგრძლივი დიპლომატიური კონფლიქტი მალე დასრულდება: მაკედონიისა და საბერძნეთის ხელისუფლებები შეთანხმდნენ, რომ იუგოსლავიის ყოფილ რესპუბლიკას ჩრდილოეთ მაკედონიის რესპუბლიკა დაერქმევა.

იუგოსლავიის დაშლის შემდეგ ახალი ქვეყნის დასახელების გამო დავა 27 წლის განმავლობაში გაგრძელდა. ეს აფერხებდა ნატოსა და ევროკავშირში მაკედონიის გაწევრიანებას, რადგან საბერძნეთი მოლაპარაკებებს ბლოკავდა.

ბერძნები აპროტესტებდნენ იმას, რომ მეზობელ ქვეყანასა და საბერძნეთის ჩრდილოეთით უძველეს ისტორიულ რეგიონს ერთი სახელი ჰქონოდათ. ისინი სავარაუდო ტერიტორიულ დავებს ერიდებოდნენ.

მას შემდეგ, რაც სახელის გადარქმევის შესახებ შეთანხმებას საბერძნეთისა და მაკედონიის პრემიერ-მინისტრები მოაწერენ ხელს, ის ორივე ქვეყნის მთავრობამ და პარლამენტმა უნდა დაამტკიცოს.

ამასთანავე სახელის გადარქმევის თაობაზე მაკედონიაში რეფერენდუმია დაგეგმილი, რომელიც სავარაუდოდ შემოდგომას გაიმართება.