მირზა სუბელიანი, რომელსაც პროკურატურა ხორავას ქუჩის საქმეზე დანაშაულის შეუტყობინებლობას ედავება აღკვეთის ღონისძიებად პატიმრობა შეეფარდა. მან სასამართლო სხდომაზე საქმესთან დაკავშირებით ისაუბრა.

"2017 წლის პირველი დეკემბერი იყო, რომელიც ჩემს ცხოვრებაში ვერასდროს წაიშლება. თუ შესაძლებელი იქნებოდა, ჩემი სიცოცხლის გაცვლით, აი, ბავშვების, რომ დაბრუნებულიყო, მზად ვიყავი. სუფთა მორალურად ვამბობ.

ის გარემოება, რომ ცხოვრებაში არავინ არაფრისგან არის დაზღვეული, ეს გარემოება მეც გამიგია და შესაბამისად, ჩემი განცხადებით კიდევ ვიზიარებ მშობლების მწუხარებას, ამ ტრაგედიას იმიტომ, რომ ძალიან ბევრი ადამიანი განადგურდა... ჩემთვის გისოსები მეორეხარისხოვანია მომხდარ ფაქტთან დაკავშირებით, დანარჩენი თქვენ განსაზღვრეთ".

მირზა სუბელიანს აღკვეთის ღონისძიებად პატიმრობა სასამართლომ დღეს, დაახლოებით ორი საათის წინ შეუფარდა.