შინაგან საქმეთა სამინისტროს ცნობით, თბილისში, ჯავახეთის ხიდებზე (გზაგამტარზე) 10 ივნისის 00:00 საათიდან კახეთის გზატკეცილის გზაგამტარზე, აეროპორტის მიმართულებით საავტომობილო მოძრაობა 100 დღით შეიზღუდება. შეზღუდვა საგზაო-სარემონტო სამუშაოებს უკავშირდება.

უწყების ცნობით, აეროპორტის მიმართულებით მოძრაობა შესაძლებელი იქნება გზაგამტარის პანდუსიდან ჯავახეთის ქუჩის გავლით.

შსს-ს განმარტებით, გაიჭრება გზის გამყოფი გამწვანების ზოლი და მოეწყობა ერთი სამოძრაო ხაზი, რომელიც გზაგამტარის მერე ისევ შეუერთდება კახეთის გზატკეცილს.