საქართველოს სახალხო დამცველი, ნინო ლომჯარია გუშინ, 5 ივნისსა და დღეს, 6 ივნისს მომხდარი მიწისძვრის შემდეგ საჯარო და კერძო ორგანიზაციებს თავისი თანამშრომლებისთვის სამუშაო სივრცეს სთხოვს. ამის შესახებ ლომჯარიამ ფეისბუქზე დაწერა და სამუშაო ოფისის მდგომარეობის ამსახველი ფოტოებიც გაასაჯაროვა.

"მეგობრებო, გუშინდელი მიწისძვრის შემდგომ, ჩვენ ოფისში ბზარები კიდევ უფრო გაიზარდა. გამომდინარე იქიდან, რომ თანამშრომელთა ნაწილს მიწის ქვედა სართულებზე უწევს მუშაობა, რაც ნგრევის შემთხვევაში ევაკუაციის სირთულეს ქმნის, მივიღეთ გადაწყვეტილება, რომ იმ სართულებზე განთავსებული სამსახურები, რომლებიც მომეტებული საფრთხის ქვეშ არიან, გადავიყვანოთ სხვა შენობებში", - წერს ლომჯარია.

5 ივნისს თბილისის დროით 22:40 საათზე, აზერბაიჯანში, საქართველოს სახელმწიფო საზღვრიდან 15 კმ-ში 5,7 მაგნიტუდის სიდიდის მიწისძვრა მოხდა. ინფორმაციას დედამიწის შემსწავლელ მეცნიერებათა ინსტიტუტის სეისმური მონიტორინგის ეროვნული ცენტრი ავრცელებს.

ბიძგები იგრძნობოდა თბილისშიც. ამ ეტაპზე უცნობია გამოიწივია თუ არა მიწისძვრამ ნგრევა აზერბაიჯანში.