პრემიერ-მინისტრის, გიორგი კვირიკაშვილის დღევანდელ, 5 ივნისის განცხადებას, სადაც ის არასამთავრობო ორგანიზაციებს აკრიტიკებს, ფეისბუქ მომხმარებლები Haha რეაქციას უწერენ. ამ დროის [19:19] მონაცემებით, მას 661 Haha რეაქცია და 242 მოწონება აქვს.

"მიუღებელია, რომ არასამთავრობოების ნაწილი, ულტიმატუმის ენით გვესაუბრება და ცდილობს, ბოიკოტის გამოცხადებით ეჭვქვეშ დააყენოს პროცესის ლეგიტიმაცია. მათ განცხადებებში იკვეთება საკითხის პოლიტიკურ ჭრილში გადატანის მცდელობა, რაც ასევე სრულიად მიუღებელია", - ნათქვამია გიორგი კვირიკაშვილის განცხადებაში.

კვირიკაშვილის თქმით, თეა წულუკიანის გადადგომის მოთხოვნა სრულიად აბსურდული და გონივრულ საფუძველს მოკლებულია.