სარალიძის, დადუნაშვილის და მაჩალიკაშვილის ოჯახებთან გამართული შეხვედრის შემდეგ, მთავრობის ადმინისტრაციის ხელმძღვანელმა, შალვა თადუმაძემ განაცხადა რომ განიხილეს ყველა საკითხი, რომელზეც ამ დღეებში მიდიოდა საუბარი.

თადუმაძის თქმით, გადაწყდა შეიქმნას ინფორმაციით უზრუნველყოფის ფორმატი რომ სარალიძის ოჯახს მუდმივად მიაწოდონ ინფორმაცია გამოძიებაზე.

კანცელარიაში გამართულ შეხვედრას ესწრებოდა პრემიერ-მინისტრი გიორგი კვირიკაშვილი, ომბუდსმენი, ნინო ლომჯარია და მოკლულის ოჯახის ადვოკატი.

შეხვედრის დასრულების შემდეგ, სარალიძემ განაცხადა რომ თუ 10 ივნისამდე არ გადაიდგმება კონკრეტული ნაბიჯები, იგივე პოზიციაზე რჩება. მისი თქმით, აქციები არ შეწყდება და მოთხოვნა სისტემის დანგრევისა და მთავრობის გადადგომის შესახებ უცვლელია. მისივე თქმით, პრემიერმა უთხრა, რომ მის გადადგომას არსებითი მნიშვნელობა არ ჰქონდა.

ლევან დადუნაშვილის მამამ განცხადა, რომ შეხვედრით კმაყოფილია და მან დაპირება მიიღო, რომ კითხვებზე პასუხი გაეცემათ.

მაჩალიკაშვილის ადვოკატის თქმით, კი პრემიერისგან პირობა მიიღეს და 10-14 დღეს აძლევენ პირობების შესასრულებლად.

შეხვედრის დასრულების შემდეგ კი ნინო ლომჯარიამ აღნიშნა, რომ შეხვედრაზე საეჭვო საკითხები განიხილეს.