ვაკის პარკში გამართული აქცია აღსრულდეს სამართლიანობა პოლიტიკის გარეშე დასრულდა. აქციაზე დღეს მივიდა ზაზა სარალიძე, რომელმაც ტერიტორია ხმაურის ფონზე დატოვა.

აქციის მონაწილეები მოუწოდებდნენ სარალიძეს უარი ეთქვა პოლიტიკურ პარტიებთან კავშირზე. მათ სიტყვიერი და ფიზიკური შეურაცხყოფა მიაყენეს ომბუდსმენს, ნინო ლომჯარიას, რომელმაც ტერიტორია სარალიძესთან ერთად დატოვა.

გარდა ამისა, აქციაზე, სადაც სამართლიანობის აღდგენა პოლიტიკის გარეშე სურდათ, ძირითადი აქცენტი ნაციონალური მოძრაობის ცხრა წლიან მართველობაზე კეთდებოდა. ისმოდა ჰომოფობიური განცხადებებიც.

ორგანიზატორების განცხადებით, აქცია ხვალ, 3 ივნისს, შვიდ საათზე განახლდება.