ევროპული საქართველოს ლიდერის, ოთო კახიძის თქმით, მიმდინარეობს კონსულტაციები იმასთან დაკავშირებით, შეუერთდება თუ არა პარტია ოპოზიციის გაერთიანებულ აქციას ზაზა სარალიძესთან, მალხაზ მაჩალიკაშვილთან და ზვიად კუპრავასთან ერთად.

On.ge-სთან საუბარში აცხადებს, რომ გადაწყდება რა ფორმით და როგორ ჩაერთვება პარტია ამ აქციაში:

"ჩვენ აქციის ორგანიზატორები არ ვართ, აქციასთან დაკავშირებით კონსულტაციებს გავაგრძელებთ, როგორც ბატონ სარალიძესთან ისე სხვა ოპოზიციურ პარტიებთან. ისე აქციებში ჩვეულებრივად ვმონაწილეობთ ყოველდღიურ რეჟიმში."

ამ ეტაპზე ცნობილია, რომ აქციას შეუერთდა ნაციონალური მოძრაობა, ახალი საქართველო, ეროვნულ დემოკრატიული პარტია და სახელმწიფო ხალხისთვის.