საქართველოს პარლამენტის ვიცე-სპიკერი, თამარ ჩუგოშვილი ამბობს, რომ ხორავას ქუჩის საქმეზე საგამძიებო კომისიის შექმნით უპრცენტდენტო გადაწყვეტილებას იღებენ. ამის შესახებ მან რამდენიმე წუთის წინ განაცხადა.

"ის ფაქტი, რომლის გამოც ვქმნით საგამოძიებო კომისიას არის ემოციურადაც და სამართლებრივადაც ძალიან მძიმე ფაქტი ამიტომ ჩვენ ფაქტობრივად უპრეცედენტო გადაწყვეტილებას ვიღებთ. საგამოძიებო კომისია ისედაც სულ რამდენჯერმეა შექმილი და არასდროს არ არის შემქნილი კონკრეტული სისხლის სამართლის საქმეზე, რომელზეც ჯერ კიდევ მიმდინარეობს სამართლებრივი პროცესები", - განაცხადა ჩუგოშვილმა.

თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა.

დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.

საგანგებო ბრიფინგზე, მთავარმა პროკურორმა, ირაკლი შოთაძემ განაცხადა, რომ სასამართლოს განაჩენს არ იზიარებს და პროკურატურა მას გაასაჩივრებს. პროკურატურა გეგმავს საქმეში შვეიცარიელი ექსპერტები და უცხოელი, ცნობილი პროკურორები ჩართონ.