ამერიკის გამოძიებათა ფედერალურმა ბიურომ ინტერნეტმომხმარებლებს სთხოვა გადატვირთონ ინტერნეტის როუტერები. მათი ინფორმაციით, მსოფლიო მასშტაბით, ნახევარ მილიონ მოწყობილობას რუსეთის ხელისუფლების ჰაკერთა ჯგუფი აკონტროლებს. ამის შესახებ ინფორმაციას The New York Times ავრცელებს.

FBI-ის განცხადებაში ნათქვამია, რომ მთელ მსოფლიოში ასიათასობით როუტერი ე.წ. Fancy Bear-ის ჰაკერთა ჯგუფის მიერ კონტროლდება. სწორედ აღნიშნული ჯგუფი იყო 2016 წელს ამერიკის დემოკრტიული პარტიის ვებსაიტზე კიბერ თავდასხმის ორგანიზატორი. ორგანიზაციის განცხადებით, ჰაკერების მიერ დაზიანებული როუტერებს შეუძლიათ ვებტრაფიკის დაბლოკვა, ასევე. ყველა იმ ინფორმაციის შეგროვება, რომელიც სახლის თუ ოფისის როუტერებში ხვდება.

ჩატარებული კვლევის თანახმად, მსოფლიოს 54 ქვეყანაში 500 ათასზე მეტი საოფისე და სახლის როუტერი დაზიანდა ჰაკერთა მიერ ორგანიზებული კიბერ შეტევის შედეგად. მათ შორისაა ისეთი ტექნოლოგიური გიგანტების პროდუქცია როგორიცაა: Cisco, TP -Link, Netgear.

გამოძიებათა ფედერალურმა ბიურომ უკვე დაბლოკა ვებდომეინი - toknowall.com. ამერიკელი სამართალდამცავების თქმით, სწორედ აღნიშნული ელექტრონული მისამართიდან იმართებოდა კიბერ შეტევები. ვირუსი, რომლითაც მთელ მსოფლიოში ასობით ათასი მოწყობილობა დაზიანდა ე.წ. VPN ფილტრის დაზიანებას იწვევს. კვლევის თანახმად მსგავსი კიბერშეტევები არერთხელ განხორციელებულა ამერიკისა და ევროპის კიბერ სივრცეში.

უწყებაში ამბობენ, რომ დღეიდან ისინი აკონტროლებენ პროცესს და ჰაკერთა ჯგუფი ახალი მოწყობილებების დაზიანებას ვერ შეძლებს, თუმცა უკვე დაზიანებული მოწყობილობების მფლობელებს რამდენიმე რეკომენდაციას აძლევენ:

  1. გადატვირთონ მოწყობილობა;
  2. მოხდეს მოწყობილობის Upgrade;
  3. შეცვალოინ პაროლი.