შინაგან საქმეთა სამინისტრომ რუსთავში ლეკვის წამების ფაქტზე გამოძიება დაიწყო. შსს-ს ქვემო ქართლის პრესსამსახურის ინფორმაციით, გამოძიება სისხლის სამართლის კოდექსის 259-ე მუხლითაა დაწყებული.

მუხლი ცხოველებისადმი სასტიკ მოპყრობას გულისხმობს, რამაც მისი დაღუპვა ან დასახიჩრება გამოიწვია, აგრეთვე ცხოველის წვალება. დანაშაული ისჯება ჯარიმით ან გამასწორებელი სამუშაოთი ვადით ერთ წლამდე.

იგივე ქმედება, ჩადენილი: ჯგუფურად, არაერთგზის, მცირეწლოვნის თანდასწრებით, ისჯება ჯარიმით, ან თავისუფლების აღკვეთით ვადით ორ წლამდე.