ჟურნალისტ ნათია კობერიძის განცხადებით, ლგბტ პირთა უფლებების დაცვის გამო, წამებითა გაუპატიურებით ემუქრებიან.

როგორც On.ge-ს ნათია კობერიძემ განუცხადა, მუქარის შემცველი წერილები ფეისბუქზე ტელეკომპანია კავკასიაში, ტოკ-შოუ ბარიერის სტუმრობის შემდეგ მიიღო. მისი თქმით, ადამიანს, რომელიც ემუქრება, არ იცნობს, მისი ვინაობა კი ვახტანგ ჯაბანაშვილია.

ნათია კობერიძის თქმით, მან პოლიციას მუქარის შემცველი წერილების მიღებიდან მეორე დღეს, 18 მაისს მიმართა.

On.ge-ს შსს-ში განუცხადეს, რომ განცხადება შემოსულია, წინასაგამოძიებო პერიოდი მიმდინარეობს და ის ადამიანი, ვისაც ნათია კობერიძე მიუთითებს გამოიკითხება.