#მოდიღამემუზეუმში - 19 მაისს საქართველოს ეროვნული მუზეუმი კამპანიას "ღამე მუზეუმში" უერთდება.

ღონისძიების ფარგლებში, ეროვნული მუზეუმის გაერთიანებაში შემავალ ყველა მუზეუმში, 21:00 საათიდან 01:00 საათამდე ღია იქნება საგამოფენო სივრცეები, მოეწყობა საგანმანათლებლო პროგრამები, ლექციები, შემეცნებითი თამაშები, კოსტიუმირებული და მუსიკალური წარმოდგენები, ექსკურსიები და სხვა მრავალი აქტივობა ყველა ასაკის ვიზიტორისთვის. ამ დროის განმავლობაში უზეუმებში შესვლა და პროგრამებში მონაწილეობა თავისუფალია.

აქციას "ღამე მუზეუმში" - საფუძველი ჩაეყარა 2005 წელს ევროსაბჭოს მიერ და მას შემდეგ რეგულარულად ტარდება ევროსაბჭოს წევრ ქვეყნებში. მოგვიანებით, აქციამ ფართო მასშტაბი მიიღო და გავრცელდა მსოფლიოს მრავალ ქვეყანაში. აქციის "ღამე მუზეუმში" ტრადიციად დამკვიდრების ინიციატივით საქართველოს კულტურისა და ძეგლთა დაცვის სამინისტრო 2015 წელს გამოვიდა.

პროგრამა:

სიმონ ჯანაშიას სახელობის საქართველოს მუზეუმი

  • 21:00 - 00:00 - დროებითი და მუდმივი ექსპოზიციების დათვალიერება.
  • 21:00 - 23:00 - შემეცნებითი თამაშები და აქტივობები მუზეუმის ფოიეში.
  • 21:00 - 23:30 - მუსიკალური ნომრები:
  1. ფოიე - 21:00-21:30 - ზაქარია ფალიაშვილის სახელობის ცენტრალური სამუსიკო სკოლის - ნიჭიერთა ათწლედის უმცროსკლასელთა გუნდი;
  2. მუზეუმის გარეთ, რუსთაველის მხრიდან - 21:30-21:50 - ფოლკლორული ანსამბლი ერქვანი კახაბერ შაქიშვილის ხელმძღვანელობით;
  3. ფოიე - 21:50-22:30 - მოსწავლე-ახალგაზრდობის ეროვნული სასახლის მევიოლონეთა ანსამბლი სი-მი ელენე ცარციძის ხელმძღვანელობით;
  4. ეზო - 22:30-22:50 - ზაქარია ფალიაშვილის სახელობის ცენტრალური სამუსიკო სკოლის - ნიჭიერთა ათწლედის გიტარისტთა ანსამბლი;
  5. ეზო - 22:50-23:30 - ქართული ცეკვის ანსამბლი ეგრისი გიორგი ფალიაშვილის ხელმძღვანელობით.
  • 22:00 - 23:00 - კოსტიუმირებული პერფორმანსი - აღმოსავლური გამოფენის, ანტიკური ხანისა და ქართული კოსტიუმის ექსპოზიციების მიხედვით.

დიმიტრი შევარდნაძის სახელობის ეროვნული გალერეა

  • 21:00 - 01:00 - დროებითი და მუდმივი ექსპოზიციების დათვალიერება.
  • 22:00 და 24:00 საათებზე - ექსკურსია გიდის თანხლებით.
  • 21:30 - 23:00 - მუსიკალური ნომრები.
  • 21:00 - საჯარო ლექცია ზურაბ (პიკო) ნიჟარაძის გამოფენის ფარგლებში (მომხსენებელი ნინო ხუნდაძე).
  • 22:00 - 23:00 - შემეცნებითი თამაშები და აქტივობები.

იოსებ გრიშაშვილის სახელობის თბილისის ისტორიის მუზეუმი - ქარვასლა

  • 21:00 - 01:00 - შენობის ისტორიული ნაწილებისა და მუდმივი გამოფენის დათვალიერება; "ქოლგა თბილისი ფოტოს" ფარგლებში ფრანგი ფოტოგრაფის, ანრი კარტიე-ბრესონის, ამერიკელი და გერმანელი ფოტოგრაფების - თომას დამენის, მაინრად შადეს, ვანესა უინშოპის, გეორგ გეორგიუს და ეან გრარუპის ნამუშევრების გამოფენა;
  • 20:00 - ქეთი კაპანაძის გამოფენის გახსნა - "8 წუთი";
  • 22:00 - 24:00 - საუბარი დამთვალიერებლებსა და ხელოვნებათმცოდნეებს შორის თემაზე: "რა არის ჩემთვის თანამედროვე მუზეუმი".

ელენე ახვლედიანის სახლ-მუზეუმი

  • 21:00 - 00:00 - მუზეუმის დათვალიერება;
  • 21:00 - 23:00 - კამერული მუსიკის კონცერტი - ზაქარია ფალიაშვილის სახელობის ცენტრალური სამუსიკო სკოლის ნიჭიერთა ათწლედი მევიოლინეთა ანსამბლი და ტრიო - შესრულდება კლასიკური, რომანტიზმისა და თანამედროვე პერიოდის ნაწარმოებები.

სიღნაღის მუზეუმი

  • 21:00 - 01:00 - მუზეუმის დათვალიერება;
  • 21:00 - ფოლკლორული ანსამბლის კონცერტი;
  • 21:15 - შემეცნებითი ვიქტორინა (ბოდბის წმ. ნინოს მონასტრის ირგვლივ);
  • 22:00 - პოეზიის საღამო.

სვანეთის მუზეუმი

  • 21:00 - 01:00 - მუზეუმის დათვალიერება;
  • 21:00 - გამოფენის გახსნა: "MAGNUM PHOTO 70 - ქართული დღიური" (რობერტ კაპა 1947, თომას დვორჟაკი 2017) ;
  • 21:30 - დოკუმენტური ფილმის ჩვენება.

ივ. ჯავახიშვილის სახ. სამცხე-ჯავახეთის ისტორიის მუზეუმი

  • 20:00 - ახალციხის მუნიციპალიტეტის საჯარო სკოლების მოსწავლეთა, პედაგოგთა და მოწვეულ სტუმართა შეკრება. მოსწავლეები წარმოადგენენ;
  1. ციტატებს "ვეფხისტყაოსნიდან";
  2. ცნობებს საქართველოს პირველი რესპუბლიკის გამოცხადების შესახებ;
  3. წაიკითხავენ ლექსებს;
  4. შეასრულებენ სიმღერებს.
  • 21:00 - 01:00 - სამცხე-ჯავახეთის ისტორიის მუზეუმის დათვალიერება;
  • 21:00 - სამხატვრო სკოლის მოსწავლეების ნამუშევრების გამოფენა.