შინაგან საქმეთა სამინისტრომ, 324,93 გრამი ჰეროინის შეძენა-შენახვის ბრალდებით უცხო ქვეყნის მოქალაქე დააკავა.

უწყების განმარტებით, ბრალდებული ზემო ფონიჭალის დასახლებაში დააკავეს და ოთხ შეკვრად დაფასოებული ჰეროინი ფეხსაცმლის ქუსლებში ჰქონდა დამალული.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს, საქართველოს სსკ-ს 260-ე მუხლის მე-6 ნაწილის "ა" ქვეპუნქტით. ჩადენილი დანაშაული 8-დან 20 წლამდე ან უვადო თავისუფლების აღკვეთას ითვალისწინებს.