რუსეთში ანტი-პუტინიურ აქციებზე 1 200-ზე მეტი ადამიანი დააკავეს. დაკავებულებს შორის არის ოპოზიციონერი ალექსეი ნავალნიც. ყველაზე მეტი ადამიანი დააკავეს მოსკოვში, დაახლობიეთ, 500 დემონსტრანტი.

აქციები "ის ჩვენი მეფე არ არის" რუსეთის ათობით ქალაქში პუტინის მორიგ ინაუგურაციამდე ორი დღით ადრე, 5 მაისს გაიმართა. აქციები ალექსეი ნავალნის მხარდამჭერებმა მოაწყვეს. მოსკოვში აქციაზე გამოჩნდა, პრეზიდენტობის კანდიდატი და ოპოზიციონერი ვლადიმერ ჟირინოვსკიც.

ფოტო: Meduza

ხელისუფლების განცხადებით, მათ გააფრთხილეს ოპოზიციის მხარდამჭერები, რომ დააკავებდნენ, თუკი კრემლის სიახლოვეს არასანქცირებულ აქციას ჩაატარებდნენ.

2012 წელს, პუტინის მესამე ინაუგურაციამდე, პოლიციასა და აქციის მონაწილეებს შორის შეტაკებების შედეგად 400-ზე მეტი ადამიანი დააკავეს. რამდენიმე მათგანს გრძელვადიანი სასჯელი მიუსაჯეს.

18 მარტს საპრეზიდენტო არჩევნებზე ვლადიმერ პუტინმა პირადი რეკორდი დაამყარა და ხმების 76,65 პროცენტი (55,7 მილიონი) მიიღო.