საქართველოს პრეზიდენტი, გიორგი მარგველაშვილი ამბობს, რომ მის მიმართ პატიმართა შეწყალების საქმეებზე სამართლებრივი დევნის "მოსურნეა". ასე უპასუხა პრეზიდენტმა TV პირველის ეთერში საქართველოს იუსტიციის მინისტრს, თეა წულუკიანს შესაძლო სამართლებრივ პროცედურებზე გავრცელებულ განცხადებას.

"მე მოსურნე ვარ ასეთი რამის იმიტომ, რომ კიდევ უფრო ლუსტრაცია მოხდება ამ ყველაფრის. ეს საზოგადოება რაღაცას ატარებს, რაღაცების შეჩვევა ხდება. ბევრად უკეთესია, თუ მართლა რადიკალური ნაბიჯები იქნება გადადგმული, ვიდრე ასე ყურს, რომ აჩვენებ", - განაცხადა გიორგი მარგველაშვილმა.

იუსტიციის მინისტრის, თეა წულუკიანის თქმით, თუ არსებობს შეწყალებასთან დაკავშირებით რაიმე ფაქტები საკითხის შესწავლა უნდა დაიწყოს და პასუხები გაეცეს.