შინაგან საქმეთა სამინისტროს განცხადებით, თავისუფლების მოედნის მეტროსადგურთან დაჭრის ბრალდებით 2000 წელს დაბადებული ორი პირი დააკავეს. შემთხვევა გუშინ, პირველ მაისს საღამოს მოხდა.

უწყების განმარტებით, დაკავებულებმა შელაპარაკების ნიადაგზე 1989 და 1999 წლებში დაბადებულ ორ პირს ცივი იარაღით სხეულზე დაზიანება მიაყენეს და შემთხვევის ადგილიდან მიიმალნენ. დაჭრილები სასწრაფო სამედიცინო დახმარების ბრიგადამ კლინიკაში გადაიყვანა. მათ სიცოცხლეს საფრთხე არ ემუქრება.

გამოძიება ჯგუფურად, დამამძიმებელ გარემოებებში ჩადენილი განზრახ მკვლელობის მცდელობის ფაქტზე, საქართველოს სსკ-ის 19-109-ე მუხლის მე-2 ნაწილის "ე" ქვეპუნქტით მიმდინარეობს.