18 მარტს არასამთავრობო ორგანიზაცია ფონდი ღია საზოგადოება საქართველომ, სხვა NGO-ბთან ერთად, თავის ოფისში პრესკონფერენცია გამართა, სადაც უკანონო მიყურადების პრაქტიკის წინააღმდეგ 19 მარტის აქცია "ეს შენ გეხება" დააანონსეს და ხელისუფლებას 3 მოთხოვნა წარუდგინეს:

  1. ეფექტიანი გამოძიება და პროცესებში საერთაშორისო ექსპერტების ჩართვა;
  2. იმ კანონმდებლობის შეცვლა, რომელიც სამართალდამცავ ორგანოებს და სპეცსამსახურებს დღეს საშუალებას აძლევს კონტროლის გარეშე ახორციელონ მოსახლეობის თვალთვალი და მიყურადება;
  3. დამოუკიდებელი საგამოძიებო ორგანოს შექმნა, რომელიც სამართალდამცავების მიერ კანონის დარღვევის ფაქტებს გამოიძიებს. სამართალდამცველებს დღეს აქვთ დაუსჯელობის სინდრომი კანონის დარღვევის შემთხვევაშიც.

კამპანიაში მონაწილეობენ: საერთაშორისო გამჭვირვალობა-საქართველო, საქართველოს ახალგაზრდა იურისტთა ასოციაცია, IDFI, Civil Development Agency (CiDA), Public Movement "Multinational Georgia", ადამიანის უფლებების სწავლებისა და მონიტორინგის ცენტრი - (EMC) და ა.შ. "ეს შენ გეხებას" უერთდებიან პროფკავშირები, სამოქალაქო საზოგადოების რეგიონული ქსელები, მსახიობები, მუსიკოსები და სპორტსმენები.