ტვ პირველზე გადაცემა საქმიანი დილის თანაწამყვანი და პოლიტიკური მიმომხილველი ყოფილი სახელმწიფო მინისტრი ევროპასთან და ევროატლანტიკურ სტრუქტურებში ინტეგრაციის საკითხებში, ალექსი (ბუკა) პეტრიაშვილი იქნება. ინფორმაციას BMG ავრცელებს.

ალექსი პეტრიაშვილი მაყურებლებისთვის ყოველკვირეულ მიმოხილვებს, ინტერვიუებსა და ვიდეო ბლოგებს მოამზადებს მსოფლიოში მიმდინარე ტენდენციებზე, მათ გავლენებზე მსოფლიო ეკონომიკასა და გლობალურ წესრიგზე. მისი ბლოგები, ასევე, Forbes Georgia-ს გამოცემებშიც დაიბეჭდება.