ენერგოომბუდსმენის ანგარიშის მიხედვით, 2017 წელს გაზის გაჟონვით, სულ მცირე 18 ადამიანი გარდაიცვალა. ინფორმაცია ომბუდსმენს კომპანიებიდან მიაწოდეს.

ანგარიშში ვკითხულობთ, რომ 2017 წლის ზამთრის პერიოდის დადგომისთანავე, მდგომარეობა გართულდა რეგიონებში, განსაკუთრებით ქალაქ რუსთავში, სადაც თებერვალ-მარტში ათამდე ფატალური შემთხვევა დაფიქსირდა.

შპს ყაზტრანსგაზ-თბილისი

ომბუდსმენის ინფორმაციით, 2017 წლის განმავლობაში, შპს ყაზტრანსგაზ-თბილისის განაწილების არეალში, სავარაუდო გაჟონვის შედეგად სამი აფეთქება მოხდა. შემთხვევის გამო, მოქალაქეებს ქონებრივი ზიანი მიადგათ. ერთი ადამიანი დაშავდა, ხოლო გარდაცვალების ფაქტი არ დაფიქსირებულა.

შპს სოკარ ჯორჯია

შპს სოკარ ჯორჯია გაზის არეალში დაფიქსირდა გაზის, ასევე, მხუთავი აირის გაჟონვის 9 შემთხვევა, რომელთაგან სამი ადამიანის გარდაცვალებით დასრულდა.

სს საქორგგაზი

სს საქორგგაზის არეალში დაფიქსირდა გაზის გაჟონვის 142 შემთხვევა, რომელთაგან 15 ადამიანის გარდაცვალებით დასრულდა.