გაერთიანებული პროფკავშირების ხელმძღვანელის მოადგილე, თამაზ დოლაბერიძე ამბობს, რომ რამდენიმე კვირის შემდეგ, როცა ტყიბულში გლოვა დასრულდება, საკითხი მედიამ და სამოქალაქო საზოგადოებამ არ უნდა დაივიწყოს. ამის შესახებ დოლაბერიძემ ტყიბულში, მეშახტეების გასვენების დღეს, დღეს, 10 აპრილს განაცხადა.

"ეს ამბავი ერთხელ და სამუდამოდ უნდა დამთავრდეს, შახტა უნდა დაიკეტოს... უნდა მოხდეს შახტის რეაბილიტაცია. ხვალ საღამომდე უკრაინიდან ჩამოვა ორი ექსპერტი, რომელთანაც ამ დილით გვქონდა საუბარი. ჩვენთვის მნიშვნელოვანია უკრაინელი ექსპერტების ჩამოსვლა, რადგან ტყიბულის შახტები საბჭოთა კავშირის დროს არის აშენებული და მათთვის აქაური შახტების სისტემა ცნობილია", - თქვა დოლაბერიძემ.

5 აპრილს ტყიბულის შახტში 6 მეშახტე დაიღუპა, სამი კი - დაშავდა. გამოძიება ამ დრომდე არ დასრულებულა და რამ გამოიწვია ნგრევა ზუსტი მიზეზი უცნობია.

ამავე თემაზე: