მშვიდობის დარგში ნობელის პრემიის ყველაზე ახალგაზრდა ლაურეატი, 20 წლის მალალა იუსუფზაი სროლიდან ექვსი წლის შემდეგ პაკისტანში პირველად დაბრუნდა.

2012 წელს ადამიანის უფლებების აქტივისტს, მალალა იუსუფზაის თალიბანის მებრძოლემ თავში ესროლა. ამის შემდეგ ის ოჯახთან ერთად დიდ ბრიტანეთში გადავიდა საცხოვრებლად.

მოსალოდნელია, რომ მალალა პაკისტანის პრემიერ-მინისტრს შეხვდება. სავარაუდოდ, ვიზიტი ოთხი დღე გაგრძელდება. ჯერ უცნობია ჩავა თუ არა მალალა ოჯახთან ერთად თავის მშობლიურ ქალაქში.

მალალა საქვეყნოდ ცნობილი მას შემდეგ გახდა, რაც 2009 წელს, 11 წლის ასაკში BBC-ის ბლოგერი გახდა, სადაც თალიბანის რეჟიმის პარალელურად საკუთარ ცხოვრებასა და გოგონების განათლების უფლებებისთვის წერდა. 2009 წელს პაკისტანში თალიბების მიერ კონტროლირებად ტერიტორიაზე ხელისუფლებამ გოგონებისათვის სკოლაში სიარული აკრძალა. 11 წლის მალალამ გადაწყვიტა, დაეცვა თავისი განათლების უფლება, თუმცა მის პროტესტს მძაფრი რეაქცია მოჰყვა.

მალალა ახლა დიდ ბრიტანეთში, მშობლებთან ერთად, ცხოვრობს. აქვს ანდრეი სახაროვისა და ანა პოლიტკოვსკაიას სახელობის პრემიები. 2014 წელს ნობელის პრემია გადაეცა.