შინაგან საქმეთა სამინისტრომ თბილისში, გონიოსა და ქობულეთში პროსტიტუციისთვის ადგილის გადაცემის საქმეებზე 3 პირი დაააკვა, 6 კი ამხილა.

უწყების განცხადებით, თბილისში, სასტუმროს ტიპის ერთ-ერთ დაწესებულებაში, მისი მფლობელი, ადმინისტრატორი და ბარმენი გასამრჯელოს სანაცვლოდ, პროსტიტუციისთვის ოთახებს სისტემატურად აქირავებდნენ. დაკავებულია ორი პირი.

ამავე ბრალდებით, თბილისში კიდევ ერთი პირია დაკავებული. უწყებაში ამბობენ, რომ ჩინური მასაჟის ერთ-ერთი სალონის ადმინისტრატორი, გარკვეული პერიოდის განმავლობაში, გასამრჯელოს სანაცვლოდ, ცალკეულ პირებს პროსტიტუციისთვის ფართს უთმობდა.

გარდა ამისა, შინაგან საქმეთა სამინისტრომ გონიოსა და ქობულეთში, პროსტიტუციისთვის ადგილის გადაცემის ფაქტებზე, 6 პირი ამხილა.

როგორ უწყებაში ამბობენ, გამოძიებით დადგინდა, რომ მხილებულები საკუთარ და დროებით მფლობელობაში არსებულ სასტუმროების ნომრებსა და ფართებს, გარკვეული პერიოდის განმავლობაში, გასამრჯელოს სანაცვლოდ, მოქალაქეებს პროსტიტუციისთვის უთმობდნენ.

პროსტიტუციისთვის ადგილის ან საცხოვრებლის გადაცემის ყველა საქმეზე გამოძიება საქართველოს სსკ-ს 254-ე მუხლით მიმდინარეობს. ჩადენილი დანაშაული ჯარიმას ან 2-დან 4 წლამდე ვადით თავისუფლების აღკვეთას ითვალისწინებს.