გიორგი ვაშაძე იუსტიციის მინისტრს, თეა წულუკიანს მოუწოდებს დღის ბოლომდე დაარეგისტრიროს პოლიტიკური პლატფორმა - ახალი საქართველო იმისთვის, რომ მან არჩევნებში მონაწილეობა შეძლოს. წინააღმდეგ შემთხვევაში ახალი საქართველო ისეთი ღონისძიებებისთვის მიმართვას გეგმავს, რომელიც აიძულებს სახელმწიფოს დაარეგისტრიროს ახალი პოლიტიკური პარტია:

"მიუხედავად იმისა, რომ სრულიად აბსურდულად შეაჩერეს რეგისტრაცია და მოგვთხოვეს დამატებითი ხელმოწერების წარდგენა, აბსოლუტურად კონსტრუქციულად ჩვენ მივიტანეთ ორჯერ მეტი ხელმოწერა, ვიდრე მათ მოგვთხოვეს. და დღეს, მთელი დღის განმავლობაში, ჩვენი წარმომადგენლები დგანან იუსტიციის სახლში და არანაირ პასუხს არ იღებენ საერთოდ ჩვენს რეგისტრაციასთან დაკავშირებით".

გიორგი ვაშაძე ამბობს, რომ ახალი საქართველო საგანგებო რეჟიმზე ორშაბათიდან გადადის და აქციების გამართვას არ გამორიცხავს.

28 ივნისს საჯარო რეესტრმა გიორგი ვაშაძის პარტია არ დაარეგისტრირა. რეესტრის ცნობით, ვაშაძის პოლიტიკური გაერთიანების რეგისტრაცია, განცხადებაში არსებული ხარვეზების აღმოფხვრის მიზნით, ათი დღით შეაჩერეს.

რეესტრი აცხადებდა, რომ პარტიის სიაში 1 გარდაცვლილი, უცხო ქვეყნის 3 მოქალაქე და 11 არასრულწლოვანი პირი იყიო შეყვანილი და 1000 წევრამდე სიის შესავსებად პოლიტიკურ გაერთიანებას 364 წევრის სრულყოფილი, სწორი მონაცემი აკლდა.

საჯარო რეესტრმა გიორგი ვაშაძის პარტია არ დაარეგისტრირა