საქართველოს პარლამენტის ჯანდაცვის კომიტეტის თავმჯდომარე, დიმიტრი ხუნდაძე ამბობს, რომ ოთხშვილიანი ოჯახები სახელმწიფოსგან თითო შვილზე 20 ლარს მიიღებენ. საკანონმდებლო ინიციატივაზე ხუნდაძის კომენტარს საზოგადოებრივი მაუწყებელი აქვეყნებს.

დეპუტატის თქმით, მრავალშვილიანი ოჯახების წახალისების პროექტით გათვალისწინებულია, რომ მეხუთე და ყოველ შემდეგ შვილზე ოჯახები დამატებით 10-10 ლარს მიიღებენ, ან თითო შვილზე 30 ლარს.

"საქსტატის მონაცემებით, (2014 – საყოველთაო აღწერის შედეგები) 12 369 შინამეურნეობაა, სადაც ოთხი და მეტი არასრულწლოვანი ცხოვრობს. შესაბამისად, სარგებლის სახით, ჯამური ფინანსური შედეგი წლიურად, დაახლოებით 3 489 000 ლარი იქნება", - განუცხადა საზოგადოებრივ მაუწყებელს ხუნდაძემ.