საქართველოს პრეზიდენტს, გიორგი მარგველაშვილს მიაჩნია, რომ საზოგადოებაში აგრესიულობის შესასუსტებლად იერარქიის დაცვა და სახელმწიფო ინსტიტუტების პატივისცემაა საჭირო. პრეზიდენტმა ამის შესახებ საქართველოს მართლმადიდებელ ეკლესიაში ავტოკეფალური მმართველობის აღდგენის 100 წლისთავთან დაკავშირებულ ღონისძიებაზე ისაუბრა.

გიორგი მარგველაშვილი სტუმრებს არსებული გამოწვევების დაძლევის წინაპირობად იერარქიული წესრიგის დაცვისა და სახელმწიფო ინსტიტუტების პატივისცემაზე ისაუბრა.

"მაშინაც კი, როდესაც მიგაჩნია, რომ მართალი ხარ, მაშინაც კი, როდესაც შენ იცავ სიწმინდეებს, იერარქიულად შენ ამ ქმედების განხორციელების უფლება არ გაქვს, რადგან იერარქიის დანგრევით შენ ანგრევ წესრიგს", - მოიყვანა ციტატა პრეზიდენტმა დიონისე არეოპაგელის წერილიდან.

მასალის თავდაპირველი სათაური იყო: "პრეზიდენტი: მოძღვარი მცდარი რომ იყოს, უნდა მიუტევო, რადგან იერარქიის დაცვა მნიშვნელოვანია", რაც შესაძლო არასწორი ინტერპრეტაციის გამო შეიცვალა.