ფინანსთა სამინისტროს საგამოძიებო სამსახური კომპანია ბადაგონის საქმესთან დაკავშირებით აცხადებს, რომ საწარმოს შეჩერების პროცესი საგამოძიებო პროცესებს არ უკავშირდება.

მათი განცხადებით, საგამოძიებო პროცესების დროს შპს ბადაგონში არ ჩატარებულა ჩხრეკა, ჩატარდა მხოლოდ საგამოძიებო მოქმედება - ამოღება:

"ყოველგვარი საპროცესო იძულების ღონისძიებების გამოყენების გარეშე. რა დროსაც კომპანია ბადაგონის წარმომადგენლების მიერ ნებაყოფლობით იქნა წარმოდგენილი ზემოაღნიშნული მოთხოვნილი დოკუმენტაცია და ელექტრონული ინფორმაცია."

უწყების განცხადებით, ამ ეტაპზე, ზემოაღნიშნულ საქმეზე მიმდინარეობს საგამოძიებო მოქმედებები და ცრუ განცხადებები ხელს ვერ შეუშლის საქმეზე სრულყოფილი გამოძიების ჩატარებას და კანონის შესაბამისი გადაწყვეტილების მიღებას.