ამბროლაურის რაიონულმა სასამართლომ ყოფილი ცოლის მიმართ განხორციელებული ძალადობისთვის ბრალდებული დამნაშავედ სცნო.

პროკურატურის განცხადებით, სასამართლო პროცესზე გამოკვლეული მტკიცებულებებით დადასტურდა, რომ 2017 წლის 23 ნოემბერს ნასვამ მდგომარეობაში მყოფმა დ.ტ.-მ ყოფილ მეუღლეს მიაყენა ფიზიკური შეურაცხყოფა, კერძოდ მცირეწლოვანი შვილის თანდასწრებით სახის არეში ხელი დაარტყა.

სამართალდამცველებმა დ.ტ. 2017 წლის 24 ნოემბერს დააკავეს. მას ბრალდება სისხლის სამართლის კოდექსის 1261 მუხლის მე-2 ნაწილის „ბ“ ქვეპუნქტით წარედგინა, რაც ოჯახის ერთი წევრის მიერ მეორეს მიმართ, არასრულწლოვანის თანდასწრებით ჩადენილ ძალადობას გულისხმობს.

ამბროლაურის რაიონულმა სასამართლომ დ.ტ. სრულად სცნო დამნაშავედ წარდგენილ ბრალდებაში და სასჯელის სახედ და ზომად 1 წლით თავისუფლების აღკვეთა განუსაზღვრა, საიდანაც მსჯავრდებული 6 თვეს პენიტენციურ დაწესებულებაში მოიხდის, ხოლო დარჩენილი 6 თვე ჩაეთვალა პირობით 1 წლით გამოსაცდელი ვადით.