საქართველოს პრემიერ-მინისტრი, გიორგი კვირიკაშვილი საერთაშორისო ოლიმპიური კომიტეტის პრეზიდენტს, თომას ბახს შეხვდა. როგორც პრემიერის ფეისბუკგვერდზე ვკითხულობთ, შეხვედრაზე საქართველოში ზამთრის სპორტის სახეობებისა და სამთო კურორტების განვითარების პერსპექტივა განიხილეს.

პრემიერის განმარტებით, უახლოეს მომავალში საქართველოში საერთაშორისო ექსპერტების ჯგუფი ჩამოვა, რომელთანაც განვითარების პერსპექტივების განხილვას გეგმავენ.

"საბოლოო მიზანი არის, რომ საქართველოში ჩავატაროთ ზამთრის სპორტული ოლიმპიადა. ამისთვის გვჭირდება სტრატეგია, განვითარების გეგმა და ამ გეგმის შესაქმნელად ჩამოვა სწორედ ეს ჯგუფი საქართველოში. ჩვენ ვფიქრობთ, რომ ძალიან საინტერესო საქმეს დავუდეთ სათავე. დიდი იმედი გვაქვს, რომ ექსპერტების ჯგუფთან ერთად გავაკეთებთ ძალიან ამბიციურ გეგმას და უკვე გვექნება სამოქმედო გეგმა ყოველწლიური ქმედებისთვის", - წერია გიორგი კვირიკაშვილის ფეისბუკგვერდზე.