ბათუმში, საზღვაო ჰოსპიტალის ლიფტის შახტში 45 წლამდე ასაკის ქალი ჩავარდა. დაშავებულის მდგომარეობა მძიმეა, ის რეანიმაციულ განყოფილებაში იმყოფება. ინფორმაციას აჭარის ტელევიზია ავრცელებს. საავადმყოფოს საზოგადოებასთან ურთიერთობის სამსახურის უფროსის განცხადებით, დაშავებულის მდგომარეობა მძიმეა:

"პაციენტს აღენიშნება, ხერხემლის და გულ-მკერდის მალების კომპრესიული მოტეხილობა, ასევე აქვს დაზიანებული ზურგის ტვინი, ნეკნების ორმხრივი მოტეხილობა და მისი მდგომარეობა არის სტაბილურად მძიმე. პაციენტი არის გონს, არის კონტაქტური."

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 124-ე მუხლით არის დაწყებული, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.