ტეილორ სვიფტის ცხოვრების ბოლო პერიოდიდან აშკარაა, რომ მომღერალს სურს, მისი პირადი ცხოვრება საჯარო განხილვისგან მაქსიმალურად დაცული იყოს. ამაზე მისი თითქმის 1-წლიანი გაუჩინარება და სოციალური მედიაში არააქტიურობაც მოწმობს. ამას გარდა, სვიფტის ახალ შეყვარებულზე ტაბლოიდებმა წყვილის ურთიერთობიდან მეცხრე თვეს შეიტყვეს.

თუმცა, როგორც ჩანს, ამერიკელი მომღერლის საჯარო ცხოვრებისგან შორს ყოფნას უამრავი ადამიანი ეწინააღმდეგება. უფრო მეტიც, შეპყრობილმა ფანებმა 10 გრემის მფლობელ მუსიკოსს შესაძლოა საფრთხეც შეუქმნან.

გასულ კვირას, ნიუ-ჰემფშირის პოლიციამ გამოჰკითხა 58 წლის კაცი, რომელიც აცხადებდა, რომ ტეილორ სვიფტის შეყვარებულია [რაც ტყუილია, რადგან სვიფტი ინგლისელ მსახიობ ჯო ალვინს ხვდება] და იარაღი სჭირდებოდა მის დასაცავად. მას ანტერესებდა, რამდენი შტატში გადაადგილება შეეძლო ცეცხლსასროლი იარაღით და ამბობდა, რომ ტეილორ სვიფტი აფრიკაშიც უნდა დაეცვა.

რადგანაც იარაღზე საჯარო საუბარი და შეყვარებულის ყოლაზე ტყუილის თქმა დასჯადი არაა, პოლიციას ის არ დაუკავებია, თუმცა სამართალდამცველებმა ტეილორ სვიფტის გუნდი უკვე გააფრთხილეს პოტენციურ საფრთხეზე, რადგან ფანმა შესაძლოა მომღერალთან შეხვედრის ყველა გზა მოძებნოს და ამ დროს, შეიარაღებული იყოს.

ეს სვიფტის პირველი სტალკერი არაა. 2016 წელს ერთი ფანი მისი სახლის ეზოში მოხვდა და აცხადებდა, რომ ტეილორზე დაქორწინებას გეგმავდა. 2017 წელს კი ერთი ფანი მისი სახლის სახურავზე აძვრა და შეუჩერებლად რეკავდა მისი სახლის კარებზე, სანამ ადგილზე პოლიცია არ მივიდა.

ტეილორ სვიფტი უკვე წლებია დაცვის გარეშე არ გადააადგილდება, ასე რომ იმ ფანებს, რომლებიც მომღერლის უსაფრთხოებაზე ზრუნავენ, შეუძლიათ მშვიდად იყვნენ.