დღეიდან ქართულ ინტერნეტსივრცეს ახალი ქართული ონლაინ ჟურნალი AT.ge შეემატა.

AT.ge ყოველდღიურად მოგვითხრობს საქართველოსა და მსოფლიოში მიმდინარე კულტურული და საზოგადოებრივი პროცესების, გართობისა და დასვენების, ასევე, საინტერესო ინიციატივებისა თუ ინოვაციური გამოგონებების შესახებ. ჟურნალის ძირითადი განყოფილებებია: ბიზნესი და ტექნოლოგიები, ცხოვრების წესი, კულტურა, გასტრონომია და რედაქციის სპეც-პროექტი თანამედროვე ხელოვნების შესახებ – Hammock.

მოცემული თემების ფარგლებში, ჟურნალთან თანამშრომლობა ნებისმიერ მკითხველს შეუძლია.

ინტერნეტჟურნალის დამფუძნებელი ნინო დარასელია. მის სახელთან დაკავშირებულია რამდენიმე სატელევიზიო პროექტი, ასევე არტჟურნალი "ანაბეჭდი" და პირველი ინტერნეტ-არხი კულტურის შესახებ - "არტარეა".

ფოტო: At.ge