ვინც სამეფო კარის თამაშებს უყურებს, ყველამ კარგად იცის, რომ არია სტარკს საკუთარი სია აქვს, რომელშიც იმ ადამიანების სახელები წერია, ვისი მოკვლაც სტაკს სურს.

მსახიობიმა მეისი უილიამსმა, რომელიც ტომ ჰენკსთან ერთად The Graham Norton Show-ში იმყოფებოდა, ამ თემასაც შეეხო.

"ქუჩაში ვინც მხვდება ყველა მთხოვს იმ ადამიანების სახელები ჩამოვთვალო, რომლებიც ჩემს სიაში არიან და შემდეგ საკუთარ სახელსაც ამატებენ. ეს ძალიან სახალისოა", - ყვება უილიამსი.

წამყვანმა მსახიობს კითხა ზეპირად თუ ახსოვდა ეს სია და კამერის წინ თუ ჩამოთვლიდა. მეისი უილიამსიც არ დაიბნა, კამერას შეხედა და სერსეისთან და ჯოფრისთან ერთად სიაში არც მეტი, არც ნაკლები ტომ ჰენკსიც დაამატა.