თურქეთმა უცხო ქვეყნის მოქალაქეებისთვის, ტერიტორიაზე შესვლის სიხშირის კონტროლი გააკაცრა. 1 იანვრიდან საზღვრის თუნდაც 1 საათით გადაკვეთა და უკან დაბრუნება მოქალაქეს ერთდღიან ვიზიტში ჩაეთვლება. ინფორმაციას აჭარის ტელევიზია ავრცელებს.

აქამდე არსებული წესით რამდენიმე საათით საზღვარის კვეთა არ ითვლებოდა ერთდღიან ვიზიტად და შესაბამისად არ აკლდებოდა უვიზოდ სარგებლობის 90 დღიან უფლებას. დღეიდან კი 90-ჯერ საზღვრის კვეთის შემთხვევაში, მოქალაქეს ოფიციალური ბინადრობის უფლების მოპოვება დაჭირდება. აღნიშნული გადაწყვეტილება ვრცელდება თურქეთის ყველა გამტარ პუნქტზე და ეხება ყველა უცხო ქვეყნის მოქალაქეს.