დიდი ბრიტანეთის დედოფალმა, ელიზაბეტ მეორემ, სრულიად საქართველოს კათოლიკოს პატრიარქს, ილია მეორეს აღსაყდრებიდან მეორმოცე წლისთავი მიულოცა.

"მაქვს სიამოვნება, გულთბილად მივულოცო მის უწმინდესობას საქართველოს კათოლიკოს პატრიარქს, ილია მეორეს 40 წელი აღსაყდრებიდან. დიდი სითბოთი მახსენდება ჩვენი შეხვედრა 2011 წელს ლონდონში, თქვენი ვიზიტისას. მოხარული ვარ, რომ ურთიერთობები ჩვენს ერებს შორის უფრო და უფრო ღრმავდება. გისურვებთ ყოველივე საუკეთესოს, ბედნიერებასა და ჯანმრთელობას", - ნათქვამია გაერთიანებული სამეფოს დედოფლის მილოცვაში.

დღეს, 25 დეკემბერს, სრულიად საქართველოს კათოლიკოს-პატრიარქის აღსაყდრებიდან 40 წელი შესრულდა.