მას შემდეგ, რაც 36 წლის ბრაზილიელმა მოდელმა და ვიქტორია სიკრეტის ანგელოზმა ადრიანა ლიმამ განაცხადა, რომ "უსარგებლო მიზეზების" გამო აღარ გაშიშვლდება, შემდეგ კი ინსტაგრამზე ვიკტორია სიკრეტს და ედ რაზეკს გამოწერა გაუუქმა, ტაბლოიდებმა "გადაწყვიტეს", რომ ის შოუს და მთლიანად ვიქტორია სიკრეტს ტოვებდა.

თუმცა, როგორც People წერს, გავრცელებული მითქმა-მოთქმის მიუხედავად, მსოფლიოს ერთ-ერთი ყველაზე მაღალანაზღაურებადი მოდელი ფრთებს იტოვებს და ანგელოზად რჩება:

"ის კვლავ ითანამშრომლებს უამრავ ბრენდთთან და მათ შორისაა ვიქტორია სიკრეტიც" - უთხრა გამოცემას ლიმას წარმომადგენელმა.

"ჩემი სამსახური დიდი წნეხის ქვეშ მაყენებს, ვალდებული ვარ, რომ ისე გამოვიყურებოდე, როგორც საჭიროა. ვფიქრობდი იმაზე, თუ რამდენი რამის გადატანა გვიწევს ქალებს. მე დავიღალე ამდენი ვალდებულებებით, და ჩვენ, ქალებს, ასეთი ზედაპირული ღირებულებებით ცხოვრება აღარ შეგვიძლია. ძალიან უსამართლოა, როცა საზოგადოება გვიწესებს, როგორ მოვიქცეთ ან უნდა გამოვიყურებოდეთ.

გადავწყვიტე, რომ ეს ცვლილებები ჩემი თავიდან დამეწყო. უსარგებლო მოტივით აღარასდროს გავიხდი ტანსაცმელს" - დაწერა მოდელმა რამდენიმე დღის წინ ინსტაგრამზე.

ჩინეთში, 2017 წლის შოუს მსვლელობისას, ლიმამ კულისებში ჟურნალისტებს უთხრა, რომ ის ალესანდრო ამბროსიოს მსგავსად ბრენდს არ ტოვებდა და შოუში სულ 20-ჯერ გამოსვლას გეგმავდა. ადრიანა ლიმა ვიკტორია სიკრეტის შოუში წელს მე-18-ედ გამოვიდა.