რამდენიმე დღის წინ ფეისბუკით გავრცელდა ემოციურ ვიდეო, რომელშიც საშუალო სკოლის მოსწავლე კიტონ ჯონსი ყვება როგორ დასცინიან მას სკოლაში კლასელები და როგორი ბულინგის მსხვერპლია ის.

სოციალური ქსელით ვიდეომიმართვა კიტონის დედამ გაავრცელა. მისი თქმით, პარასკევს მას შვილის სკოლიდან წამოყვანა მოუწია, რადგანაც კიტონს ლანჩის დროს სასადილოში შესვლის ეშინოდა.

"ისინი დასცინიან ჩემს ცხვირს. მახინჯს მეძახიან. მეუბნებიან, რომ არ მყავს მეგობრები", - ამბობს კიტონი ვიდეომიმართვაში. ის, ასევე, ყვება როგორ აბულინგებენ მას სასადილოში, რძეს ასხამენ, ტანსაცმელზე ლორს ადებენ და პურს ესვრია.

"უბრალოდ საინტერესოა, რატომ აკეთებ ამას? რა არის ამის აზრი? რატომ გსიამოვნებთ ის, რომ უდანაშაულო ადამიანებს ბოროტებას უკეთებთ? ეს ნორმალური არაა. არ მომწონს, ამას რომ მიკეთებენ. და, რა თქმა უნდა, ისიც არ მომწონს ამას სხვებს რომ უკეთებენ, რადგან ეს ნორმალური არაა. განსხვავებულობის გამო ადამიანები არ უნდა გააკრტიკოთ. ეს მათი ბრალი არაა", - ამბობს კიტონი.

კიტონის ამ ვიდეომიმართვას ჰოლივუდის ვარსკვლავები გამოეხმაურნენ და ბიჭს თანადგომა გამოუცხადეს.

Avangers-ის ვარსკვლავმა, კრის ევანსმა კიტონი დედასთან ერთად ლოს-ანჟელესში ფილმის მსოფლიო პრემიერაზე დაპატიჟა:

"მტკიცედ დადექი, კიტონ. გპირდები ყველაფერი უკეთ იქნება. სანამ ეს პანკები გადაწყვეტენ, როგორ ადამიანებად უნდათ რომ ჩამოყალიბდნენ, იქნებ შენ და დედაშენი მომავალ წელს ლოს-ანჯელესში Avengers-ის პრემიერაზე წამოხვიდეთ?

კიტონს მხარდაჭერა გამოუცხადა Stranger Things-ის ახალგაზრდა მსახიობმა მილი ბობი ბრაუნმაც:

"კიტონ, ზუსტი ნათქვამია! რატომ აკეთებენ ამას ადამიანები? მგონია, რომ ძალიან მაგარი ბიჭი ხარ და მინდა შენი მეგობარი ვიყო (სერიოზულად), გასაოცარი ხარ".

ამერიკული ფეხბურთის ვარსკვლავი ჯარეტ გუარანტანო ტვიტერზე წერს, რომ ბედნიერია კიტონის გაცნობით, რადგან მან მისი ცხოვრება შეცვალა.

"შანსი მქონდა, რომ ჩემს ახალ მეგობართან ერთად დღე გამეტარებინა. ეს დაუჯერებელი იყო, რომ გავიცანი და გავაცნობიერე, რომ ბევრი საერთო გვაქვს. ეს ადამიანი განსაკუთრებულია და მან ჩემი ცხოვრება შეცვალა. ახლა მყავს უმცროსი ძმა, რომელზეც ყოველთვის ვოცნებობდი. ღმერთმა დაგლოცოს!"

კიტონის გულწრფელ ვიდეოს გამოემხაურნენ მარკ რუფალო, პატრიცია არკეტი, რიკი მარტინი, კეტი პერი, სნუფ დოგი, მარკ ჰამილი და ა.შ. ყველა მათგანი კიტონს მხარდაჭერასა და თანადგომას უცხადებს.