კონფლიქტის ზონიდან, გორის მუნიციპალიტეტის სოფელ კირბალიდან კიდევ ერთი ადამიანი გაიტაცეს. ადგილობრივების ინფორმაციით, პირი სოფლის მიმდებარედ ფიჩხის შეკრებისას გაიტაცეს.

სახელმწიფო უსაფრთხოების სამსახურში ამბობენ, რომ კონფლიქტის ზონაში პირი ე.წ. საზღვრის უკანონო კვეთის ბრალდებით დააკავეს. მათივე ინფორმაციით, ინფორმირებულია ევროკავშირის მონიტორინგის მისია, მიმდინარეობს მუშაობა მის გასათავისუფლებლად და ამოქმედდა ცხელი ხაზი.