თავისუფალი დემოკრატების გენერალური მდივანი, თამარ კეკენაძე ამბობს, რომ საქართველოს მესამე პრეზიდენტის, მიხეილ სააკაშვილის მიმართ განხორციელებული ქმედებები ტოვებს პოლიტიკურად მოტივირებულის განცდას. მისი თქმით, საქართველოსა და უკრაინაში სასამართლო და პროკურატურა სრულად პოლიტიზირებულია.

"მინდა იმედი ვიქონიო, რომ უკრაინის ხელისუფლება არ გავა სამართლებრივი სივრციდან და ოპონენტების პოლიტიკური ნიშნით დევნას არ დაიწყებს“, - ასე გამოეხმაურა კეკენაძე სააკაშვილის უკრაინაში დაკავებას.

უკრაინაში მიხეილ სააკაშვილი დაახლოებით ერთი საათის წინ დააკავეს. დილიდან გენერალური პროკურატურა და უსაფრთხოების სამსახური, საქართველოს ყოფილი პრეზიდენტის ბინას ჩხრეკდა. ჩხრეკის გამო ის შენობის სახურავზე ავიდა და გადმოხტომით იმუქრებოდა.