ბათუმში, სამშენებლო სამუშაოებზე, მძიმე ტექნიკა ამობრუნდა და კაცი მოიყოლა. ინციდენტის შესახებ ინფორმაციას საზოგადოებრივი მაუწყებლის აჭარის ტელევიზია ავრცელებს.

მაუწყებლის ინფორმაციით, დაშავებული 57 წლის კაცის მდგომარეობა კრიტიკულია, ის რეფერალური საავადმყოფოს რეანიმაციულ განყოფილებაშია.

"სასწრაფო დახმარებამ შემოყვანა 57 წლის მამაკაცი, რომელსაც ჩაუტარდა პირველადი სამედიცინო დახმარება და გადავიყვანეთ მართვით სუნთქვაზე. ჩაუტარდა კვლევები, პაციენტი ითვლება კრიტიკულად, რომელიც გადაყვანილი იქნა კრიტიკული ცენტრის განყოფილებაში," - აცხადებს ემერჯენსის მორიგე ექიმი დოლია კაცია აჭარის ტელევიზიასთან საუბრისას.

არხის ინფორმაციით, შემთხვევა სამშენებლო კომპანია ორბის ობიექტზე მოხდა, საქმეს კი შინაგან საქმეთა სამინისტრო სისხლი სამართლის კოდექსი 240-ე მუხლით იძიებს. ამ მუხლით, სისხლისსამართლებრივი პასუხისმგებლობა სამშენებლო სამუშაოს წარმოებისას უსაფრთხოების წესის დარღვევისთვის დგება.