დევნილთა მინისტრი, სოზარ სუბარი ვანო მერაბიშვილის საქმეზე ევროსასამართლოს დიდი პალატის გადაწყვეტილებას გამოეხმაურა და თქვა, რომ ის არანაირად არ ეხება პატიმრობის კანონიერებასა და მერაბიშვილის გათავისუფლების საფუძველს ქმნის

"ძალიან სამწუხაროა, ჩვენ ვერ შევძელით იმ 9 მოსამართლის დარწმუნება, რომლებმაც მიიჩნიეს რომ ადგილი ჰქონდა საკნიდან გაყვანის ფაქტს. რას ვიზამთ ახლა, სასამართლო გადაწყვეტილება არსებობს... პოლიტპატიმრობას რაც შეეხება, დიდმა პალატამ მკაფიოდ თქვა, ჩახედეთ 339-ე პუნქტს, სადაც წერია, რომ პოლიტიკური პატიმრობა არ იკვეება".

იუსტიციის მინისტრმა, თეა წულუკიანმა დღეს, 28 ნოემბერს ვანო მერაბიშვილის საქმის გადაწყვეტილებასთან დაკავშირებით განაცხადა, რომ ვერავითარ სამართლებრივ გადაწყვეტილებებს ქვეყნის შიგნით, გარდა კომპენსაციის გადახდისა, დიდი პალატის გადაწყვეტილება ვერ გამოიწვევს.

სტრასბურგის ადამიანის უფლებათა ევროპული სასამართლოს დიდმა პალატამ, 17 მოსამართლის შემადგენლობით, ძალაში დატოვა პალატის გადაწყვეტილება.

სტრასბურგის სასამართლოს დიდმა პალატამ საქმის განხილვა საქართველოს საჩივრის საფუძველზე დაიწყო. იუსტიციის სამინისტრომ ვანო მერაბიშვილის საქმეზე, გასულ წელს, ამავე სასამართლოს ერთ-ერთი პალატის 14 ივნისს გამოტანილი გადაწყვეტილება გაასაჩივრა.