რუსთავი 2-ის ინფორმაციით, ბერი გაბრიელ სალოსის ქუჩაზე სპეცოპერაციის დროს დაკავებული პირი ლაფანყურის სპეცოპერაციასთან დაკავშირებული სუხო დუდაევია. ტელეკომანიის განცხადებით, აღნიშნული ინფორმაცია მას სანდო წყარომ დაუდასტურა.

ისნის სპეცოპერაციის დროს დაკავებულს, დახურულ სხდომაზე, აღკვეთის ღონისძიებად პატიმრობა დღეს, 24 ნოემბერს შეეფარდა. ტერორიზმში ბრალდებული პირის ვინაობას, მის სახელსა და გვარს არც მისი ადვოკატი და არც პროკურორები ამხელენ. თუმცა ცნობილია მისი ინიციალები - ს.დ.

თბილისში, ისანში, ბერი გაბრიელ სალოსის ქუჩაზე, 21-22 ნოემბრის სპეცოპერაციის შედეგად, დაიღუპა ერთი სპეცრაზმელი და დაჭრილია ოთხი სამართალდამცავი. სახელმწიფო უსაფრთხოების სამსახურის ცნობით, ლიკვიდირებულია დანაშაულებრივი ჯგუფის სამი წევრი, ერთი კი დაკავებულია.

გაიგეთ მეტი: რა ვიცით და რა არ ვიცით ისნის სპეცოპერაციის შესახებ.