სერიალ ჩემი ცოლის დაქალების მსახიობს, საბა უგრეხელიძეს თბილისში თავს დაესხნენ. ტელეკომპანია რუსთავი 2-ის ინფორმაციით, მსახიობს თავში ბლაგვი საგანი ჩაარტყეს და სხეულზე ჭრილობები დანით მიაყენეს.

როგორც მსახიობი ამბობს, ინციდენტის დროს თავდამსხმელები ჩემი ცოლის დაქალების გმირების სახელებს ახსენებდნენ.

საქართველოს შინაგან საქმეთა სამინისტროში ამბობენ, რომ საქმეზე გამოძიება სისხლის სამართლის კოდექსის 120-ე მუხლით დაიწყეს. ამ მუხლით, ჯანმრთელობის განზრახ მსუბუქი დაზიანება ისჯება ჯარიმით ან გამასწორებელი სამუშაოთი ვადით ექვს თვემდე ანდა თავისუფლების აღკვეთით ვადით ორ წლამდე.